Mae Sefydliad y Glowyr, Coed Duon, yn ganolfan amlbwrpas, broffesiynol i’r celfyddydau perfformio ac yn adeilad hanesyddol eiconig a saif yng nghanol Cymoedd De-ddwyrain Cymru. Heddiw mae’n un o’r theatrau prysuraf a mwyaf bywiog yn Ne Cymru.
Blackwood Miners’ Institute is managed as a service by Caerphilly County Borough Council (CCBC) and currently sits with the Regeneration & Planning Service within the Communities Directorate.
On a day-to-day basis it is managed by a small team of dedicated arts professionals.
Caerphilly County Borough Council’s Arts Development Team and the Arts & Education Network: South East Wales are also based at the venue.
 Eloise Theatre and Arts Services Manager  Carys Business and Operations Manager  Robin Technical Manager Liam Technician  Carol Administration and Finance Officer  Alyson Box Office Receptionist Laura Box Office Receptionist  Craig Marketing Officer  Sam Destinations and Marketing Assistant Shiralee Duty Manager Denise Duty Manager Bob Duty Manager Alex Duty Manager  David Senior Arts Development Officer  Bethan Arts Development Officer  Jordan Arts Development Officer |
Mae Sefydliad y Glowyr, Coed Duon, yn un o’r lleoliadau mwyaf cyffrous i’r celfyddydau perfformio yn Ne Cymru.
Rydym yn creu ac yn cyflwyno celfyddydau proffesiynol a chymunedol o’r ansawdd gorau i amrywiaeth fawr o gynulleidfaoedd a chyfranogwyr.
Rydym eisiau i bawb gael mynediad rhwydd i gelfyddydau a diwylliant gwych ac rydym yn gweithio’n galed i greu rhaglen gytbwys sydd wedi’i bwriadu i ysbrydoli, addysgu a difyrru.
Bob blwyddyn rydym yn cynnal cannoedd o ddigwyddiadau a gweithgareddau cyfranogol, gan gynnwys drama, dawns, perfformiadau i’r teulu, cerddoriaeth fyw, opera, llenyddiaeth a chomedi, gan sicrhau y gall pawb brofi rhywbeth at ei ddant.
Sefydliad y Glowyr, Coed Duon, yw’r unig leoliad proffesiynol yn y fwrdeistref sirol. Mae’r awdurdod lleol lle saif y Sefydliad wedi ymrwymo i gefnogi’r celfyddydau fel rhywbeth hanfodol sy’n cael ei werthfawrogi’n fawr a’i goleddu. Mae Cyngor Caerffili yn cydnabod y cyfraniad mae’r celfyddydau’n ei wneud i adfywiad cymdeithasol, diwylliannol ac economaidd y rhanbarth ac i iechyd a lles y preswylwyr.
Mae’r Sefydliad ar gael fel adnodd i sefydliadau cymunedol ac amatur lleol ymarfer neu lwyfannu cynyrchiadau.
Rydym hefyd yn rhoi cymorth i artistiaid proffesiynol a chwmnïau sy’n dod i’r amlwg, er mwyn cefnogi creu theatr newydd.
Yn 2017 cydgynhyrchodd Sefydliad y Glowyr, Coed Duon, a Theatrau Rhondda Cynon Taf fersiwn newydd o JASON & THE ARGONAUTS i blant 8 oed a hŷn. Cafodd y cynhyrchiad ei addasu gan Mark Williams, ei gyfarwyddo gan Julia Thomas a’i gynnal mewn nifer o leoliadau ar draws Cymru.
Mae Sefydliad y Glowyr, Coed Duon, yn cael ei reoli fel gwasanaeth gan Gyngor Bwrdeistref Sirol Caerffili (CBSC) ac ar hyn o bryd daw o dan y Gwasanaeth Adfywio a Chynllunio yn y Gyfadran Cymunedau.
O ddydd i ddydd mae’n cael ei reoli gan dîm bach o weithwyr celfyddydau proffesiynol ymroddedig.
Mae Tîm Datblygu’r Celfyddydau Cyngor Bwrdeistref Sirol Caerffili a Rhwydwaith Celfyddydau ac Addysg: De-ddwyrain Cymru hefyd yn gweithio o’r lleoliad.
Rheolwr y Theatr a Gwasanaethau’r Celfyddydau
Eloise Tong
Rheolwr Busnes a Gweithrediadau
Carys Wehden
Rheolwr Technegol
Robin Bainbridge
Rheolwr Technegol Cynorthwyol
Gavin Thomas
Technegydd
Liam Marshman
Swyddog Gweinyddu a Chyllid
Carol Small
Derbynyddion y Swyddfa Docynnau
Alyson Jones
Laura-Jane Harris
Rheolwr Dyletswydd
Shiralee Tucker
Denise Bridge
Alex John
Bob Mettyer
Swyddog Marchnata
Craig Clark
Cynorthwyydd Marchnata Twristiaeth a Chyrchfannau
Sam Hill
Uwch Swyddog Datblygu’r Celfyddydau
David Chamberlain
Swyddog Datblygu’r Celfyddydau
Bethan Ryland
Jordan Forse
Mae Sefydliad y Glowyr, Coed Duon, yn ymddiriedolaeth elusennol (elusen gofrestredig 1000905), a Chyngor Bwrdeistref Sirol Caerffili yw ei unig ymddiriedolwr corfforaethol. Mae’r Cabinet yn gweithredu fel ymddiriedolwyr i’r elusen.
Gellir gweld rhagor o fanylion am Gabinet CBSC yma..
Mae Sefydliad y Glowyr, Coed Duon wedi cael ei weddnewid sawl tro i ddod yn lleoliad celfyddydau ac adloniant llewyrchus fel y mae heddiw.
Yn wreiddiol roedd Sefydliad Lles a Llyfrgell Glowyr Coed Duon, a adeiladwyd yn 1925 fel neuadd snwcer un llawr, yn eiddo i Sefydliad Lles Cymdeithasol y Diwydiant Glo a thalwyd amdano o gyflogau gweithwyr Glofa Oakdale ar raddfa o 3 ceiniog yr wythnos.
Yn 1936, ychwanegwyd dau lawr arall i’r adeilad i gynnwys y llwyfan, awditoriwm, llawr dawnsio, ystafell ddarllen, llyfrgell, ystafell fenywod ac ystafelloedd ymarfer i gymdeithasau lleol.
Roedd y digwyddiadau gwreiddiol a lwyfannwyd yn yr adeilad yn cynnwys dawnsfeydd amser te, snwcer / biliards, grwpiau darllen, ymarferion a chyfarfodydd undebau i’r glowyr lleol.
Ar ôl dadfeilio yn y 1970au-1980au yn sgil cau llawer o’r glofeydd lleol, cafodd yr adeilad ei drosglwyddo i Gyngor Islwyn fel ymddiriedolaeth elusennol yn 1990.
Cafodd ei adnewyddu a’i ailagor ym mis Chwefror 1992 fel lleoliad celfyddydau ac adloniant cymunedol diolch i gyllid oddi wrth Gyngor Bwrdeistref Islwyn a’r Swyddfa Gymreig. Yn y gyfres o gyngherddau agoriadol perfformiodd plant ysgol lleol ar yr un llwyfan â Ken Dodd, Jasper Carrott ac Opera Cenedlaethol Cymru.
Mae Sefydliad y Glowyr, Coed Duon, yn ymddiriedolaeth elusennol sy’n cael ei rheoli fel rhan o Wasanaeth Theatr a Chelfyddydau Cyngor Bwrdeistref Sirol Caerffili.
Yn 2010, buddsoddodd Cabinet Cyngor Bwrdeistref Sirol Caerffili £1.6 miliwn mewn gwaith i’w adnewyddu’n llwyr. Cafodd y gwaith, a wnaethpwyd dros bedair blynedd, ei ariannu o Gronfa Rheoli Asedau’r awdurdod lleol.
Mae Sefydliad y Glowyr, Coed Duon, yn cael cymorth cyllid oddi wrth Gyngor Bwrdeistref Sirol Caerffili.
Yn 2015, dyfarnodd Cyngor Celfyddydau Cymru statws Portffolio Celfyddydol Cymru i Sefydliad y Glowyr, Coed Duon.
Mae Sefydliad y Glowyr, Coed Duon, yn adeilad rhestredig Gradd II* ac mae ganddo statws elusennol.
Elusen Gofrestredig: 1000905
